Mbërrin veliera turistike “Sea Cloud”, lundrimi i parë i këtij viti drejt Durrësit

Sot paradite në portin e Durrësit mbërriti veliera “Sea Cloud” me 53 turistë të huaj në bord, pjesa më e madhe e të cilëve nga SHBA, si dhe nga Australia, Suedia, Italia, Kanadaja dhe Gjermania.

Anija turistike u ankorua rreth orës 8.00 në kalatën 5 të portit më të madh të vendit.

Shumë prej udhëtarëve me të mbërritur në port u nisën drejt Krujës dhe Tiranës, ndërsa të tjerët do të vizitojnë qendrat historike dhe arkeologjike të Durrësit.

Nga të dhënat e agjencisë së lundrimit “Intermed Shiping” mësohet se veliera që po kryen një udhëtim turistik në Mesdhe është nisur natën e kaluar nga Kotorri, ndërsa sot në mbrëmje do të vijojë lundrimin drejt Porto Palermos(Sarandë).

Veliera “Sea Cloud” me një personel prej 58 vetash ka një gjatësi 110 metra dhe është e regjistruar në portin e La Valetas.

Ajo e viziton Durrësin që prej 10 vitesh.

Vetëm gjatë kësaj vere ajo do të ankorohet në portin e Durrësit edhe 6 herë të tjera.

LEXONI GJITHASHTU:

• Tjetër incident detar në Durrës, përplaset peshkarexha me velierën
• Kroçera nga SHBA mbërrin në Sarandë, Rama: Mbi 1 mln vizitorë të huaj deri në mars