‘Mbështesim institucionet e Kosovës’, Meta: Situata në Veri e dirigjuar nga Beogradi

Kryetari i Partisë së Lirisë Ilir Meta ka reaguar pas situatës së krijuar në Veri të Kosovës, pas largimit të Listës Serbe nga institucionet dhe dorëheqjes së kryetarëve të komunave në veri.

Përmes një statusi në faqen e tij zyrtare në Facebook Meta shkruan se tensionimi i situatës në komunat veriore të Republikës së Kosovës është dirigjuar nga Beogradi ndërsa thekson mbështetjen për çdo veprim të institucioneve shtetërore të Republikës së Kosovës, për të mbrojtur rendin demokratik e kushtetues të vendit dhe bëjmë thirrje për ulje të tensioneve.

“Qëndrojmë fuqishëm në mbështetje të së drejtës legjitime të shtetit të Kosovës për të zbatuar rendin dhe ligjin në tërë territorin e Republikës. Bëjmë thirrje që drejtuesit shtetërorë dhe institucionalë të Kosovës, në bashkëpunim të ngushtë me SHBA, BE dhe NATO të gjejnë zgjidhjen e duhur për problemet ndërmjet Kosovës dhe Serbisë, duke zbatuar marrëveshjet e arritura me ndërmjetësimin e faktorit ndërkombëtar dhe në zbatim të Kushtetutës së Republikës së Kosovës”, shkruan veç të tjerash Meta.

LEXONI GJITHASHTU:

• Paralajmërimi i NATO-s për Veriun, reagon Berisha
• Zyrtari i NATO-s: KFOR i gatshëm të ndërhyjë nëse rrezikohet stabiliteti