Mbetën të bllokuar në “Qafën e Thellë” në Karaburun, shpëtohen dy turistët francezë

Policia në Orikum ka shpëtuar dy turistët francezë të cilët kishin mbetur të bllokuar në zonën e quajtur “Qafa e Thellë”.

Pas 4 orësh kërkime, u bë i mundur lokalizimi i 2 turistëve francezë, të cilët fillimisht janë asistuar me ujë dhe me ushqim, dhe më pas janë shoqëruar nga punonjësit e Policisë, deri te vendi ku ishin akomoduar për qëllime turistike.

2 turistët francezë janë në gjendje të mirë shëndetësore dhe kanë falënderuar punonjësit e Policisë , për gatishmërinë e treguar.

Policia e Shtetit fton çdo qytetar/turist që gjendet në një nevojë që lidhet me detyrat funksionale të Policisë, të kërkojë ndihmë, dhe reagimi do të jetë i menjëhershëm.