Mbetjet toksike apo të rrezikshme, Gupi: Kanë dallim, duhet analizuar ngarkesa

Sipas avokatit Marsid Gupi,i cili ishte i ftuar në emision “Barometri”, ka një diferencë të rëndësishme midis mbetjeve toksike dhe atyre të rrezikshme.

“Mbetjet e rrezikshme quhen kështu për shkak të metaleve të rënda që përmbajnë, ndërsa ato toksike janë krejtësisht diçka tjetër,” shpjegoi ai.

Më tej ai sqaroi se kompania Kurum nuk është përgjegjëse për këtë eksport mbetjeshdhe se do duhet që fillimisht të kryhen hetime lidhur me origjinën e tyre, kompaninë eksportuese, llojin e mbetjeve që më pas të dilet në konkluzione përfundimtare.

“Kompania Kurum ka blerë disa filtra, që këto mbetje e filtron, i nxjerr në formë pluhuri dhe e depoziton diku. Kompania Kurum nuk eksporton mbetje, hera e fundit që ka marë mbetjet dhe ja ka dhënë një kompanie tjetër ka qenë para një viti. Kurum merret me trajtimin dhe asgjesimin e tyre. Kësaj ngarkese do duhet t’i bëhet analiza, a janë mbetje toksike apo të rrezikshme, a ka pasur komapnia licensën për ti eksportuar ato, a janë pjesë e ndonjë marrëveshje të ligjshme apo një afere. Janë disa hapa deri në fund, për të bërë zbardhjen e fakteve”, u shpreh Gupi.

LEXONI GJITHASHTU:

• Kthimi i mbetjeve të rrezikshme, ish-deputeti: Nuk kemi ende deklaratë doganore
• Skandali me mbetjet| Ministrja Kumbaro: Po hetohet, nuk ka pasur autorizim