Mbi 1.8 mijë fëmijë ukrainas zhvendosen së fundmi drejt Rusisë, pretendon Moska

Ministria ruse e Mbrojtjes deklaron se 1,847 fëmijë janë transportuar nga Ukraina në Rusi të hënën pa pjesëmarrjen e autoriteteve të Kievit.

Ky numër përfshin evakuimet nga rajonet e shkëputura të Ukrainës të mbështetura nga Rusia, të cilat kjo e fundit i njohu si të pavarura para fillimit të luftës.

Rusia ka deklaruar se njerëzit janë evakuuar me kërkesën e tyre prej fillimit të luftës, ndërsa Ukraina gjithashtu deklaron se Moska ka zhvendosur me forcë mijëra njerëz drejt Rusisë.

Veprimet e saj në Ukrainë, Moska i ka quajtur si një “operacion special” për të çmilitarizuar fqinjin e saj.

Ministria e Mbrojtjes tha se prej fillimit të luftës, 200,000 fëmijë dhe 1,1 milionë njerëz janë evakuuar nga Ukraina në Rusi.

LEXONI GJITHASHTU:

• ‘Rusia harroi mësimet e Luftës së Dytë Botërore’, Zelenski reagon ndaj Lavrov
• Deklarata e Lavrovit se Hitleri kishte gjak hebre zemëron Izraelin
• Lavrov: Rusia nuk e konsideron veten në luftë me NATO-n