Mbi 3 muaj e humbur, gjendet e mbytur në liqen e moshuara

Një 71-vjeçare nga Korça, e cila kishe humbur kontaktet prej më shumë se 3 muajsh me familjarët e saj, është gjetur e mbytur në liqenin e Pogradecit.

Policia lokale njoftoi se shtetësja H. Q., 71 vjeçe, është gjetur e mbytur në vendin e quajtur “Pompat e Tushemishtit” në Pogradec. Nga këqyrja paraprake e kufomës, nuk janë  konstatuar shenja dhune.

Bashkëshorti i 71-vjeçares kishte denoncuar largimin nga banesa më 12 shkurt të këtij viti.

Dyshimet e familjarëve ishin se ajo ishte mbytur në ujërat e liqenit të Pogradecit, pasi nga informacionet e marra prej tyre, kjo shtetase është futur në liqenin e Pogradecit dhe nuk është parë më të dalë prej tij.

LEXONI GJITHASHTU:

• Gjendet i pajetë fëmija në Korçë, dyshimet e para
• Gjendet i pajetë alpinisti që u rrëzua në malin e Munellës