Mbledhja e KS të OKB, mediat në Serbi ndërprenë transmetimin kur foli Kurti

Këshilltari për mediat e zëvendës-kryeministrit të Kosovës, Klisman Kadiu, është shprehur se mediat në Serbi kanë ndaluar transmetimin kur kryeministri Albin Kurti nisi fjalën në Këshillin e Sigurimit në OKB.

Komentet Kadiu i bëri përmes një reagimi në Facebook, ku tha se në Serbi mbizotëron censura mbi mediat dhe sipas tij, është për të ardhur keq që serbët atje nuk kanë mundësi të dëgjojnë mbi realitetin.

Ai tha gjithashtu se presidenti i Serbisë, Aleksandër Vuçiç është në panik, përballë Kosovës që sipas tij është një shteti demokratik.

“Në Serbi, e kanë ndalur transmetimin atëherë kur ka nisur fjalën e tij kryeministri Kurti. Kaq për lirinë e mediave e të informimit në Serbi. Censurë. Për të ardhur keq, që serbët atje nuk kanë mundësi të dëgjojnë mbi realitetin e të vërtetat. Vuçiç është në panik dhe frikë të madhe, përballë Republikës së Kosovës, një shteti progresist e demokratik”, tha Kadiu.

LEXONI GJITHASHTU:

• Seanca në OKB për Kosovën, Basha-Ramës: Flet si perëndimor, vepron si lindor
• Debati Kosovë-Serbi në OKB, Rama: Seancë pa kuptim, palët të përqendrohen te dialogu