Kreu i Partisë Demokratike Lulzim Basha ka reaguar në lidhje me deklaratën e kryeministrit Rama për mbledhjen e Këshillit të Sigurimit në OKB për Kosovën, ku ky i fundit e cilësoi seancën e thirrur nga Serbia për dinarin si të pakuptimtë dhe u bëri thirrje palëve të vijojnë dialogun.
Kryedemokrati në përgjigjen e tij, shprehet se Rama flet si perëndimor por vepron si lindor, duke iu referuar rrëzimit në parlament të amendamentit të tij që parashikonte 50 milionë dollarë ndihmë për sigurinë e Kosovës.
“Flet si perëndimor, vepron si lindor. Aleatët strategjikë e trajtojnë sigurinë e Kosovës si çështje të sigurisë kombëtare, rajonale, europiane dhe euroatlantike. Vetëm Edi Rama nuk e konsideron të tillë. Aleatët strategjikë e trajtojnë korrupsionin e politikanëve dhe zyrtarëve të lartë në Shqipëri si cënim të sigurisë së tyre kombëtare. Vetëm Edi Rama nuk e konsideron çështje të sigurisë së vendit tonë. Kosova nuk ka nevojë për leksione demokracie nga një autokrat, por për mbështetje konkrete. Shqipëria nuk ka kërcënim më të madh ndaj sigurisë së saj kombëtare se korrupsioni që vret vende pune, varfëron shqiptarët dhe shkatërron besimin te institucionet dhe shteti”, shkruan Basha në Twitter.
LEXONI GJITHASHNTU:
- Debati Kosovë-Serbi në OKB, Rama: Seancë pa kuptim, palët të përqendrohen te dialogu
- OKB mbyll seancën për dinarin me fjalën e Kurtit: Çdo qytetar serb e ka pranuar €
- SHBA kërkon pezullimin për ndalimin e dinarit serb
