Mbledhja Shqipëri-Kosovë, Berisha: Të miratohet rezoluta për gjenocidin serb

Kreu i Partisë Demokratike Sali Berisha tha sot në Kuvend se rezoluta e hedhur poshtë për gjenocidin serb duhet të votohet përpara se të mbahet mbledhja e përbashkët e parlamenteve Shqipëri-Kosovë.

Berisha tha se kryeministri Edi Rama duhet të kërkojë falje sepse sipas tij, ishte i pari që vendosi sanksione ndaj Republikës së Kosovës.

“Së pari, me datën 20 mblidhen dy parlamentet në Kosovë. Ky parlament nuk mund të shkojë në një mbledhje të përbashkët në një kohë kur ka hedhur poshtë rezolutën për dënimin e gjenocidit serb në Kosovë, ndaj do kërkojmë me urgjencë që kjo rezolutë të votohet para se parlamenti të shkojë në sesion të përbashkët në mënyrë që të mos jetë një hipokrizi kombëtare, por të jetë nj akt i pranueshëm kombëtar. Së dyti, të kërkojë të falur sepse Edi Rama ishte i pari që vendosi sanksione ndaj Republikës së Kosovës. Ky Parlament duhet të kalojë një rezolute ndjese publike kombëtare për aktin e turpshëm antikombëtar të Shqipërisë si asnjë vend tjetër fqinj, përveç Shqipërisë ndaj Kosovës.

LEXONI GJITHASHTU:

• Berisha: Narkoshteti ka futur krimin e drogën në klasa, po fshehin ngjarjet e rënda
• Berisha: Po bllokoni vendimet e Kushtetueses se Xhaçka është e lidhur me Ramën