Berisha: Po bllokoni vendimet e “Kushtetueses” se Xhaçka është e lidhur me Ramën

Kryetari i PD, Sali Berisha gjatë fjalës së tij në parlament, akuzoi mazhorancën se po bllokon vendimin e Gjykatës Kushtetuese dhe të Komisionit të Venecias për çështjen e mandatit të Olta Xhaçkës.

Sipas Berishës, këtë veprim mazhoranca po e bën, pasi Olta Xhaçka është e lidhur direkt me Edi Ramën. Ai tha se kjo që ndodh në parlament është e pashembullt dhe se mazhoranca sipas tij është shndërruar në parzmore të grabitjes dhe plaçkitjes së pasurisë publike nga ministrat dhe qeveritarët.

“Në historinë e Europës dhe të botës kurrë nuk ka ndodhur që një ministre pasi burrin e vet investitor strategjik, në shkelje flagrante të ligjeve të vendit, pra pasi përvetësoi duke përdorur pushtetin e besuar nga qytetarët për të pasuruar vetën dhe familjen e vet me një pronë 10 mijë metra katrorë tokë publike në një zonë ku kushton të paktën 250 euro metri katror, tani ju poshtëroni Kushtetutën, poshtëroni vendin, poshtëroni zgjedhësit dhe mbani këtu në mënyrën më të paimagjinueshme njeriun e ndëshkuar nga Gjykata Kushtetuese dhe Komisioni i Venecias”, tha Berisha.

“Pse ndodh kjo? Ky është një qëndrim ekstrem për të mbrojtur me çdo kusht vjedhjet, plaçkitjet që kanë bërë. Fijet e Olta Xhaçkës, që bëhet këtu personazh unik, janë të lidhura direkt me Edi Ramën. Por në qoftë se ju, pasi keni futur në xhep Skapin e partisë, pasi përpiqeni të injoroni tërësisht aktet e kontrollit të shtetit, bllokoni dhe vendimet e Gjykatës Kushtetuese, bllokoni edhe vendimet e Komisionit të Venecias. Flamuri juaj i zi i hajdutit meriton të digjet në sheshin Skënderbej”, tha Sali Berisha.

LEXONI GJITHASHTU:

• Berisha në parlament: Hajdutëve do t’u bëhet gjyqi publik në bazë dokumentash
• Flamur Noka dhe deputetët e PD bllokojnë foltoren, Spiropali ndërpret seancën