Mblidhet Këshilli Kombëtar i PD-së, Berisha: Jemi opozita e vërtetë

Këshilli Kombëtar i PD-së ka nisur mbledhjen rreth orës 11:00 të së shtunës.

Kryetari i Këshillit Kombëtar të PD-së, Edi Paloka tregoi se ka vetëm një pikë në rendin e ditës që është zgjedhja e kryesisë së Partisë Demokratike.

“200 anëtarë të Këshillit Kombëtar janë të pranishëm kështu që dhe kuorimi është plotësuar, ju uroj suksese,” – tha ai ndërsa ja kaloi fjalën kryetarit të PD-së, Sali Berishës.

Berisha e cilësoi proces vendimtar dhe historik rithemelimin e partisë, ndërsa theksoi se zgjedhja e forumit drejtues i PD-së për 4 vitet që vjen shënon përfundimin me sukses të një procesi të vazhdueshëm procedurash që siç tha dhe Berisha në thelb kishin lirinë.

“Në këtë proces ne ja dolëm përkundrejt vështirësive të jashtëzakonshme të jemi sot opozitë e vërtetë, të jemi sot më të fuqishëm se kurrë në ekzistencën tonë, të jemi sot më të vendosur se kurrë në misionin tonë,” – u shpreh kreu i PD-së.

LEXONI GJITHASHTU:

• Mbaron mandati i Rithemelimit, Këshilli Kombëtar voton për kryesinë e re