Një mbrëmje festive dhe e ngjyrosur me ngjyrat zikaltër. Mbrëmja gala e futbollit italian për vitin 2024 në Milano ka parë si protagonist absolut Interin, kampionin e Italisë.
Inter-i fitoi titullin e Serie A sezonin e kaluar, kështu që natyrisht dominoi edhe çmimet, duke përfshirë Simone Inzaghi-n si trajnerin e vitit dhe Inter-in si klubin e vitit.
Lautaro Martinez u përzgjodh lojtari më i mirë i sezonit 2023-2024 dhe shumë pak dilema kishte për këtë triumf të tijin. Sulmuesi zikaltër dhe kapiteni udhëhoqi skuadrën drejt një triumfi të jashtëzakonshëm në Serinë A. Edhe Interi si klub u zgjodh më i miri, ndërsa trajneri Simone Inzagi u përzgjodh mbi të tjerët.
Ndërkohë që goli i vitit u zgjodh përmes votimit të tifozëve, ku morën pjesë afro 30 mijë. Atë e fitoi gjithashtu një zikaltër, Markus Turam. Bëhet fjalë për derbin kundër Milanit më 16 shtatorin e vitit 2013, kur e djathta e frikshme u ndal në trekëndësh, ku Menja nuk mund të bënte dot asgjë. Si për çudi edhe talenti më i mirë u zgjodh një interist, por që në fakt nuk nuk luan te zikaltrit për momentin. Bëhet fjalë për Françesko Pio Espositon, sulmuesin e huazuar te Specia në Serinë B.
Formacionet Vitit : Sommer (Inter); Bellanova (Torino/Atalanta), Bastoni (Inter), Calafiori (Bologna/Arsenal), Dimarco (Inter); Barella (Inter), Calhanoglu (Inter), Koopmeiners (Atalanta/Juventus); Zirkzee (Bologna/Manchester United), Lautaro Martinez (Inter), M Thuram (Inter)
Lojtari i Vitit: Lautaro Martinez (Inter)
Trajneri i Vitit: Simone Inzaghi (Inter)
Klubi i Vitit: Inter
Gjyqtari i Vitit: Daniele Orsato
Lojtari i ri i vitit në Serie B: Francesco Pio Esposito (Spezia)
LEXONI GJITHASHTU:
- U shemb përtokë në ndeshjen kundër Interit, si shfaqet gjendja e futbollistit
- Napoli mposht Romën dhe merr kreun e Serisë A, Ranieri debuton me humbje
