“Mbrojtja ndaj Thaçit”, Bushati: Propagandë për t’i trajtuar njerëzit si kope

Propagandë për mos t’u thënë njerëzve të vërtetën e ka quajtur Andi Bushati mbrojtjen që figurat politike shqiptare po i bëjnë tani ish-presidentit Hashim Thaçi.

I ftuar në emisionin “Now” në Euronews Albania, ai tha se kryeministri Rama dhe qeveria e  tij  këmbëngulën që gjykata speciale të ngrihej, ndaj tani duhet të presin vendimin e saj.

“Unë kam problem me ata që nga Thaçi e Veseli që donin dhe milituan që kjo gjykatë të ngrihej. Kam problem me ata të partisë së Klosit, me Edi Ramën dhe me ministrat kur nëse e mbani mend në një moment Hashim Thaçi fillojë të lobojë për ta hedhur poshtë gjykatën Speciale.

Në presion ndërkombëtar, Edi Rama dhe ministrat e qeverisë Rama thanë bëjeni! Nuk thoshin në momentin kur thoshin bëjeni se ra raporti i Dick Martin, nuk i besojmë ne shtëpisë së verdhë. pra këto që dalin sot, s’ka pasur shtëpi të verdhë, ra raporti i Dick Martit janë propagandë për të trajtuar njerëzit si kope. gjithë ky grupim bashkë kanë qenë për ngritjen e gjykatës speciale. e ngritën, nuk janë pishman që e ngritën le t’ia lënë gjykatës”,-tha Andi Bushati.

LEXONI GJITHASHTU:

• Projekt ndërkombëtar? Bushati: Harrojeni, Millosheviçi nuk barazohet me shqiptarët
• Diskutimet për detin, ambasadorja greke: Haga do japë zgjidhje të mirëpranuar
• Rama: Më refuzuan kur kërkova vizë britanike, për këtë kam shkruar në “The Guardian”