Projekt ndërkombëtar? Bushati: Harrojeni, Millosheviçi nuk barazohet me shqiptarët

Andi Bushati tha se pavarësisht se kanë dalë para gjyqit ish-krerët e UÇK-së, tezase po barazohet “xhelati me viktimën”, është e gabuar.

i ftuar  në emisionin “Now” në Euronews Albania, Bushati tha se ka një ndryshim të narrativës për arsye gjeopolitike, pasi perëndimi po mundohet ta tërheqë Serbinë në mënyrë që ajo të mos shkojë te Rusia, por megjithatë asnjë shqiptar nuk krahasohet me Millosheviçin.

“Kjo është një tezë e cila është artikuluar sa herë është dashur të mbrohen ata që janë sot në Hagë. Nuk mendoj  se edhe në mendjet më të çmendura të perëndimit ka një ide për të barazuar Millosheviçin me shqiptarët. Harrojeni! Që kur shkuan të 4 në Hagë u tha kjo, që po barazohet xhelati me viktimën.

Për mua nuk ka lidhje. Ka një ndërrim narrative, nuk besoj se  është një ndërrim narrative për gabimet e Thaçit dhe qeveritë paraardhëse, dyshoj se ka një ndërrim narrative si pasojë e ndryshimeve të kontekstit gjeopolitik.

Dëshira e perëndimit për t’i tërhequr Rusisë, Serbinë, po i jep thela në rajon Serbisë për ta joshur që të mos shkojë te Rusia. Këtu mund të vuajmë ne, malazezët dhe Boshnjakët. Por kjo nuk ka lidhje me vendimet që ka marrë Thaçi në 2013 apo 2015. që të kthehem në temë nuk ka barazi mes viktimës  dhe xhelatit”,- tha Andi Bushati.

LEXONI GJITHASHTU:

• “Të dhimbshme aktakuzat ndaj krerëve të UÇK”, Zaimi: Gjyqi i shërben vetëm Serbisë
• Thika i prek zemrën, detaje nga plagosja në Laprakë, e lënduar vajza e një italian
• Rama: Më refuzuan kur kërkova vizë britanike, për këtë kam shkruar në “The Guardian”