Spanja shkëlqen në Berlin, fiton kampionatin evropian

Spanja ka fituar kampionatin Evropian të futbollit të luajtur në Gjermani.

Ka qenë një gol i Oyarzabal në minutën e ‘86 që i dha trofeun e 4-të evropian iberikëve.

Anglia barazoi rezultatin në minutën e ‘73 me një predhë nga jashtë zone të sapofuturit në fushën e blertë, Palmer.

Finalja e Berlinit u zhbllokua në nisje të pjesës së dytë. Ishte Spanja që e nisi rrufeshëm me një aksion perfekt në minutën e 46’, ku gjeti dhe golin.

Ishte Nico Williams ku pas një asisti nga Lamine Yamal ka zhbllokuar rezultatin në 1-0.

Spanja mbajti topin 70% të kohës në pjesën e parë ndërsa Anglia 30% dhe të dyja skuadrat patën nga një mundësi për të bërë gol, pasi të dyja skuadrat i kanë kushtuar vëmendje mbrojtjes.