Mbyllen 240 zyra të gjendjes civile, vetëm 150 në të gjithë vendin

Qeveria ka miratuar gjatë mbledhjes së sotme reduktimin e zyrave të gjendjes civile, të cilat do të jenë vetëm 150 në të gjithë vendin.

Ministri i Brendshëm Bledi Çuçi tha se për këtë arsye të gjitha shërbimet e qeverisë që ofroheshin edhe online, tashmë do të jenë vetëm online.

Çuçi tha se nisur nga ky vendim të gjitha institucionet e administratës janë të detyruara t’i sigurojnë vetë dokumentet e gjendjes civile për një shërbim që i jep një qytetari.

“Do ketë vetëm 150 sportele në gjithë Shqipërinë për të marrë vetëm ato shërbime për të cilat duhet prezenca fizike e qytetarit, për të tjerat janë 8 shërbime që do të merren vetëm online. Do shkëputet kontakti i qytetarit me sportelet fizike”, tha Çuçi.

LEXONI GJITHASHTU:

• Nga 1 maji nis ‘epoka’ e shërbimeve pa sportele
• Mbyllen sportelet e pensioneve, aplikimet e sigurimeve shoqërore në e-Albania