Mbyllen aplikimet për vakancat në KLP, kush janë 7 prokurorët në garë

Ka përfunduar procedura e aplikimeve për vende vakante në Këshillin e Lartë të Prokurorisë.

Në përfundim të afatit ligjor për shprehjen e interesit për vakancat në Këshillin e Lartë të prokurorisë, bëhet me dije se kanë shprehur interes 7 prokurorë. Dy prej kandidaturave vijnë nga Prokuroria pranë Gjykatës së Apelit, ndërkohë që 5 aplikime vijnë nga Prokurorë që ushtrojnë funksionin në Prokuroritë e Shkallës së Parë të Juridiksionit të Përgjithshë.

7 aplikantët janë në garë për tre vendet e lira që pritet të përzigjedhen në Këshillin e Lartë të prokurorisë.

KANDIDATURAT:

• Z. Moisi Duda, prokuror i Prokurorisë pranë Gjykatës së Apelit të Juridiksionit të Përgjithshëm;
• Znj. Afërdita Ndoi, prokurore e Prokurorisë pranë Gjykatës së Apelit të Juridiksionit të Përgjithshëm;
• Znj. Edina Kurti, prokurore në Prokurorinë e Shkallës së Parë të Juridiksionit të Përgjithshëm Durrës;
• Znj. Edlira Bako, prokurore, Prokuroria pranë Gjykatës së Shkallës së Parë të Juridiksionit të Përgjithshëm, Elbasan;
• Znj. Elsa Miha prokurore, Prokuroria pranë Gjykatës së Shkallës së Parë të Juridiksionit të Përgjithshëm Tiranë;
• Z. Olgert Eminaj, prokuror në Prokurorinë pranë Gjykatës së Shkallës së Parë të Juridiksionit të Përgjithshëm, Korçë; dhe
• Z. Vatë Staka, Prokuror në Prokurorinë pranë Gjykatës së Shkallës së Parë të Juridiksionit të Përgjithshëm, Shkodër.

Për 3 (tre) pozicionet vakante në KLP, në 2 (dy) prej tyre mund të zgjidhen prokurorë të shkallës së parë, dhe në 1 (një) pozicion, mund të zgjidhen prokurorë të prokurorisë pranë Gjykatës së Apelit të Juridiksionit të Përgjithshëm.

Administrata e Prokurorisë së Përgjithshme, brenda 7 ditëve nga dita kur mbyllet afati për dorëzimin e kërkesës dhe dokumentacionit përkatës, kryen verifikimin e kushteve ligjore dhe shpall kandidaturat në faqen zyrtare.

LEXONI GJITHASHTU:

• Vakancat në KLGJ e KLP, ambasada e SHBA: Inkurajojmë magjistratët të aplikojnë
• Vakancat në KLGJ e KLP, ambasada e SHBA: Përtëritja e anëtarëve, thelbësore