Vakancat në KLGJ e KLP, ambasada e SHBA: Përtëritja e anëtarëve, thelbësore

Ambasada amerikane në Tiranë ka reaguar në lidhje me hapjen e vendeve vakante për anëtarët e rinj të Këshillit të Lartë Gjyqësor dhe Këshillit të Lartë të Prokurorisë.

Përmes një postimi në facebook, amabasada thekson se ripërtëritja e këtyre dy institucioneve të reja të drejtësisë është thelbësore për mbrojtjen e reformës.

Ambasada fton profesionistët që përmbushin kriteret që të kandidojnë brenda afatave respektive.

Reagimi i ambasadas amerikane:

Këshilli i Lartë Gjyqësor dhe Këshilli i Lartë i Prokurorisë janë në themel të sistemit të drejtësisë në Shqipëri.

Tashmë, janë hapur vende të lira brenda dy këshillave. Kjo përtëritje e anëtarëve të Këshillave është thelbësore për mbrojtjen e reformës në drejtësi në Shqipëri dhe përparimin drejt një sistemi drejtësie të pavarur dhe të efektshëm.

Gjashtë anëtarë të rinj do t’i bashkohen çdo Këshilli – 3 anëtarë jo-magjistratë dhe 3 anëtarë magjistratë – me një mandat pesë-vjeçar.

Për anëtarët jo-magjistratë, afati i fundit për aplikim është të shtunën e ardhshme, 5 gusht 2023. Procesi administrohet nga Kuvendi. Detajet mbi procesin e aplikimit mund të gjenden këtu:

Një anëtar nga shoqëria civile: (parlament.al)

Dy anëtarë nga radhët e avokatëve: (parlament.al)

Për anëtarët magjistratë, afati i aplikimit është data 4 shtator 2023. Procesi administrohet nga Gjykata e Lartë dhe Prokuroria e Përgjithshme. Detajet mbi proceset e aplikimit mund të gjenden këtu:

Për Këshillin e Lartë Gjyqësor:

Për Këshillin e Lartë e Prokurorisë:

Ambasada e SHBA nxit të gjithë kandidatët e kualifikuar të aplikojnë për të siguruar një proces të drejtë, konkurrues dhe një tranzicion të suksesshëm. Shtetet e Bashkuara, së bashku me partnerët tanë, do ta ndjekim nga afër këtë proces në muajt në vijim.

LEXONI GJITHASHTU:

• Asambleja e PS-së me dyer të mbyllura, gazetari zbulon çfarë pritet të ndodhë
• INSTAT: Rritet me 33% numri i të huajve që vizitojnë Shqipërinë