Mbyllen hetimet për Ardjan Çapjan, akuzohet se kreu vrasje me porosi në Elbasan

Sot janë mbyllur hetimet për Ardjan Çapjan, i cili së bashku me Florenc Çapjan akuzohen se kanë kryer vrasjen e Nezir Beqirit, në vitin 2012, në Elbasan. Në prill të këtij viti, dosja e tyre kaloi në SPAK.

Pas hetimeve, ndaj Ardjan Çapjas është ngritur akuza për vrasje në rrethana të tjera cilësuese.

Pas komunikimit të akuzave, SPAK pritet të dërgojë çështjen në Gjykatë, ku togat e zeza të GJKKO-së do të vendosin nëse do e pranojnë kërkesën e SPAK për ta kaluar këtë çështje në gjykim apo jo.

Vrasja e Nezir Beqirit u krye ndërsa ai ndodhej në arrest shtëpie. Ai akuzohej nga fisi Çapja se kishte bashkëpunuar në vrasjen e Sokol Çapjes në viti 2005, ngjarje e cila ka sjellë me dhjetëra persona të vrarë që prej atëherë.