Mbyllet java e 21-të e Kategorisë së Parë, Korabi ndal Skënderbeun
Java e 21-të e Kategorisë së Parë prodhoi rezultate interesante, teksa kryesuesit e kampionatit, Skënderbeu, u ndalën në transfertë nga Korabi. Sfida e zhvilluar në stadiumin “Korabi” u mbyll pa gola. Një barazim që mban korçarët në krye të renditjes, por ngushton diferencën me ndjekësit.
Laçi përfitoi maksimalisht nga kjo javë, duke marrë një fitore të rëndësishme në transfertë ndaj Lushnjes. Suksesi 1-0 në stadiumin “Roza Haxhiu” i mundëson skuadrës kurbinase të afrohet ndjeshëm me kryesuesit, duke e çuar diferencën në vetëm 3 pikë.
Pogradeci u ndal në Fier nga Apolonia, në një ndeshje spektakolare që përfundoi në barazim 2-2, ndërsa Kastrioti regjistroi një fitore të vlefshme përballë Kukësit, duke triumfuar 2-1 në takimin e së shtunës.
Të dielën, java u mbyll me dy barazime. Burreli dhe Iliria u ndanë me rezultatin 1-1, po me të njëjtin rezultat përfundoi edhe përballja mes Besës dhe AF Luftëtarit.
Pas përfundimit të javës së 21-të të Kategorisë së Parë, Skënderbeu kryeson renditjen me 48 pikë, Laçi ndjek me 45 pikë, ndërsa Pogradeci mban vendin e tretë me 40 pikë. Gara për kreun mbetet e hapur dhe çdo javë po bëhet edhe më konkurruese.
“Ju lutem, një ambulancë!” Pas 74 orësh nën rrënoja, shpëtohen një foshnje 10-muajshe dhe një 11-vjeçar (VIDEO)
Rrëzohet një avion në Francë, humbin jetën 11 persona
Gazetarja: Rama përballë “fëmijëve politikë” të tij, kërkojnë zgjidhje për problemet e krijuara nën qeverisjen e tij
- 15:11 Përfundon me tensione liturgjia e Vidovdanit, arrestohen 5 persona. Gazetari jep detaje nga vendngjarja
- 14:58 “Ju lutem, një ambulancë!” Pas 74 orësh nën rrënoja, shpëtohen një foshnje 10-muajshe dhe një 11-vjeçar (VIDEO)
- 14:45 Rrëzohet një avion në Francë, humbin jetën 11 persona
- 13:59 “The Albanian Files”/ Berisha reagon pas deklaratës së Ramës: E trajton Shqipërinë si Sulltanatin e tij
- 13:32 Shifrat e pabesueshme të Messit
- 13:05 9 ekipe afrikane arrijnë në fazën eliminatore të Kupës së Botës FIFA 2026