Mbyllet mes kaosit seanca plenare, maxhoranca voton projektligjet brenda 12 minutave

Është mbajtur mes tensioneve seanca plenare e kësaj të enjteje, ku deputetët e opozitës, pjesë e Rithemelimit, kanë bllokuar foltoren e Kuvendit.

Duke mbajtur pankarta në duar deputetët nuk kanë lejuar zhvillimin e seancës normale.

Nën zhurmën e bilbilave, kryetarja e Kuvendit Lindita Nikolla kaloi direkt në votimin e pikave të rendit të ditës.

Deputetja e Partisë Demokratike, Albana Vokshi, tentoi të shkonte drejt kryeministrit Rama me një pankartë në duar, ku shkruhej “Vrasësi i demokracisë”.

U desh ndërhyrja e Gardës që të normalizonte situatën.

Ndërkohë që seanca u mbyll brenda 12 minutave, pas votimit të projektligjeve nga maxhoranca.

Opozita zgjodhi të mos vijonte me skenarët e vitit 2023, ku bllokonte foltoren me grumbuj karrigesh dhe duke ndezur flakadanë në sallë.

Këtë herë deputetët zgjodhën të mbanin pankarta në duar dhe të pamundësonin zhvillimin e seancës përmes zhurmuesve.

Në një prononcim për media, në përfundim të seancës plenare, deputeti i PD Ervin Salianji theksoi se opozita nuk do të tërhiqet nga aksioni i saj, por do të ta diversifikojë atë.

LEXONI GJITHASHTU:

• “Vrasës i pluralizmit”,deputetët e PD me pankarta në Parlament, bllokojnë foltoren
• “Me shall pioneri, bashkë me socialistët”| Sadushi reagon për akuzat e Rithemelimit