Mbyllet procesi i votimit në 6 bashkitë

Procesi i votimit në zgjedhjet e pjesshme vendore në 6 bashki është mbyllur zyrtarisht.

654,538 qytetarë patën mundësinë për të zgjedhur kryetarin e ri të bashkisë, por 33.33% prej tyre morën pjesë në zgjedhje.

Menjëherë pas mbylljes së votimit nisin procedurat për numërimin e votave në Durrës, Shkodër, Lushnjë, Dibër, Rrogozhinë dhe Vorë.

Rezultatet në bashkinë Vorë pritet të dalin më herët, rreth orës 20:00, pasi votat të numërohen me sistem elektronik.

Procesi i votimit ka rrjedhur pa incidente, por në disa zona mbërritja në qendrat e votimit ka qenë e vështirë për shkak të kushteve të këqija të motit.

Gjashtë kryetarët që do të fitojnë garën e 6 marsit, në rastin më të mirë do e kenë mandatin 16-mujor, ndërsa në rastin më të mundshëm do e dorëzojnë atë pranverën e ardhshme, kur janë të planifikuar zgjedhjet e zakonshme lokale.