Mbyllja e kolegjit turk, Agalliu: Rama zbatoi urdhrin e Erdoganit

Deputeti i Partisë Demokratike, Arbi Agalliu, thotë se vendimi për mbylljen e kolegjit turk “Mehmet Akif” është politik.

Në një intervistë për “Euronews Albania”, Agalliu u shpreh se kryeministri Edi Rama zbatoi urdhrin e presidentit turk, Rexhep Tajip Erdogan.

“Mbyllja e kolegjit nuk është gjë tjetër, veçse zbatimi i urdhrit të drejtpërdrejtë të presidentit turk Erdogan, i cili në parlamentin shqiptar e nënvizoi se nëse do duhet të ruajmë marrëdhëniet vëllazërore, do duhet të tregojmë hapa duke proceduar në një rrjedhë të tillë. Kjo tregon pamundësinë dhe fuqinë e kryeministrit për t’i dalë kundër direktivave që ai jep.”, theksoi ai.

Rreth orës 10 të mëngjesit të së hënës ka nisur protesta e gjimnazistëve të shkollës “Mehmet Akif”.

Me pankarta në duar dhe thirrje të emrit të shkollës njëzëri, nxënësit kanë kundërshtuar vendimin e qeverisë për mbylljen e institucionit.

Ata janë mbledhur para ministrisë së Arsimit, ndërsa thonë për mikrofonin e Euronews Albania se nuk ju kanë dhënë asnjë arsye mjaftueshëm të fortë sa për të justifikuar mbylljen e gjimnazit të tyre.

LEXONI GJITHASHTU

• Rama nxënëseve të “Mehmet Akif”: Protestoni kundër pronarëve, jo qeverisë
• Protestë| Mbyllet “Mehmet Akif”, gjimnazistët kundërshtojnë vendimin e qeverisë
• Gjimnazistet e “Mehmet Akif” në lot: Nuk e mendoj shkollën shtetërore