Kryeministri Edi Rama, ministrja e Arsimit dhe Sportit, Ogerta Manastirliu dhe përfaqësues të tjerë të arsimit, kanë risjellë dhe njëherë në vëmendje propozimin për mbylljen e rrjeteve sociale, si “Tik Tok” dhe Snapchat.

Në një takim me prindër të shkollës “Janaq Kilica” në Fier, ministrja e Arsimit, theksoi rëndësinë e rritjes së masave në familje, shkollë dhe komunitet për fëmijët.

“Kërkohen masa të shtuara nga familja, shkolla dhe komuniteti. Ndalohen platformat që sfidojnë autoritetin e mësuesve dhe prindërve dhe çojnë në shqetësimet e fëmijëve. Të shtohen masat për të adresuar çështjet që lidhen me sigurinë në shkolla. Kërkohet angazhimi i të gjithëve. Ne do të luftojmë për të rritur rolet dhe numrin e punonjësve në shkolla, po punojmë për përmirësimin e infrastrukturës në shkolla”, tha ministrja Manastrliu.

Ndërkohë kreu i qeverisë theksoi realitetin e ngarkuar në të cilën këta fëmijë, dhe jo vetëm, por edhe të rriturit, jetojnë çdo ditë si shkak i rrjeteve sociale.

“Nuk e sjell këtë këtu për të folur për mediat, por për të kornizuar sfidën që ka sot një familje, edhe të rriturit që janë prindër përballë këtij presioni që rrit tensionin e konfuzionin dhe e bën më të vështirë të kesh qetësinë që duhet që të merresh me pjesën e më të vegjëlve në familje e shkolla. Edhe mësuesit janë nën këtë presion, një furtunë e madhe lajmesh shpesh gjysmë të vërteta”, u shpreh Rama.

Deri më tani janë të raportuara për ketë vit 2000 raste që lidhen me dhunën dhe 90% janë referuar tek prindërit apo punonjësit sociale.

LEXONI GJITHASHTU:

• Rama, Begaj dhe Spiropali homazhe te Varrezat e Dëshmorëve të Kombit për 29 Nëntorin
• Aeroporti i Vlorës, Rama e Balluku: Duam të jetë gati për sezonin veror 2025