Kryebashkiaku i Shkodrës, Benet Beci, ka reaguar për ngjarjen e rëndë ku një 39-vjeçare dhe 3 fëmijët e saj raportohet të jenë vetëmbytur në lumin Buna, pas dyshimeve për dhunë nga kryefamiljari.

Përmes një postimi në Facebook, Beci shprehet se i gjithë opinioni publik është i tronditur nga kjo ngjarje.

Ai i bën apel trupave speciale që të bëjnë të mundur gjetjen e trupave të viktimave sa më shpejtë dhe kërkoi nga institucionet që të zbardhin sa më parë ngjarjen dhe të çojnë pas hekurave këdo që nxiti një veprim të tillë.

Reagimi i Becit:

Shkodra, por edhe gjithë opinioni publik ndihen sot tepër të tronditur nga humbja tragjike e një nëne dhe tre fëmijëve të saj.

Inkurajoj fort institucionet përkatëse të bëjnë të mundur zbardhjen e plotë të ngjarjes dhe dënimin e kujtdo që ka përgjegjësi.

LEXONI GJITHASHTU:

• Nëna dhe 3 fëmijët dyshohet se u vetëmbytën për shkak të dhunës, arrestohet burri
• Përmbytje në Brazil, shembet diga e rritet numri i të vdekurve në Rio Grande do Sul