Mbytja e të moshuarës në Liqenin e Prespës, policia jep detajet e para

Policia ka dhënë informacion zyrtar në lidhje me ngjarjen e ndodhur në Pustec ku 80-vjeçarja Selfie Shena, e cila ishte në kërkim prej tre ditësh, u gjend e mbytur në Liqenin e Prespës.

E moshuara u konstatua e mbytur rreth orës 10:00 të ditës së sotme, pranë molit në fshatin Liqenas.

Nga këqyrja paraprake e trupit të viktimës, nuk janë konstatuar shenja dhune.

Për humbjen e të moshuarës, një ditë më parë, ka bërë kallëzim në Polici, vajza e saj shtetasja V. Sh., rezidente në Greqi, e cila ka deklaruar se nëna e saj ishte larguar nga banesa më 31 dhjetor të vitit 2022.

Trupi i pajetë i 80-vjeçares, është nxjerrë nga uji dhe do të dërgohet pranë morgut të spitalit Korçë, për ekzaminime të mëtejshme.

Grupi hetimor po punon për sqarimin e plotë të rrethanave të ngjarjes.

LEXONI GJITHASHTU

• Në kërkim prej 3 ditësh, e moshuara gjendet e mbytur në Liqenin e Prespës
• Të huajt e Shqipërisë | Nga Palestina, India e Turqia, punojnë dhe jetojnë në vend
• Brenda mureve të spitalit, çfarë ndodh në të vërtetë?