“McGonigal”, Berisha: DASH, komisioni i Kongresit dhe FBI-së të hetojë me hollësi

Kreu i PD-së Sali Berisha i ka bërë thirrje DASH, komisionit të Kongresit të SHBA dhe vetë FBI-së të hetojë me hollësi këto akte dhe veprime në lidhje çështjen McGonigal.

Në një mbledhje me deputetët e PD-së, Berisha u shpreh me ironi se McGonigal, Mark Rossini, Neza, Duçka nuk operuan në ishullin e Robinson Kruzosë.

“Ata ishin në një vend ku kryqëzohen shumë rryma e shërbime.”- theksoi Berisha.

Po ashtu ai i bëri thirrje Parlamentit Europian dhe Këshillit të Europës që të ndërhyjnë me urgjencë, të krijojnë komisione hetimore. Kjo pasi sipas Berishës, Duçka ka marrë peng edhe zyrtarë të lartë në vendet evropiane.

“Me ç’mënyrë mbyllën veshët e atyre që duhet t’i shihnin? Helidoni thonë se është viktimë se i pa. Ai duhet të flasë dhe të deponojë. Po të dojë edhe në Kongres të shkojë.

Nëse është kjo, ai meriton një vlerësim. Nëse nuk është kjo, prapë mbetet enigmë.

Nuk e bëri Gennaro këtë, e bëri kryeministri i sShqipërisë, e bëri kryezbuluesi i FBI, kjo tejkalon edhe imagjinatën hollividuane. Edi Rama nuk mund t’i shpëtojë kësaj kurrë. Prapa diellit të shkojë, ai do u thotë shqiptarëve gjithçka për këtë. I bëj thirrje Parlamentit Europian dhe Këshillit të Europës të ndërhyjnë me urgjencë, të krijojnë komisione hetimore. Kjo sepse Duçka ka marrë peng edhe zyrtarë të lartë në vendet evropiane.

Prandaj duhet të ndërmarrë një hetim të plotë se çfarë solli kjo. Kjo solli përdorimin e korrupsionit ndërkombëtar për të goditur antikorrupsionin në Shqipëri, për të goditur opozitën në Shqipëri”- theksoi ai.

LEXONI GJITHASHTU: 

• A keni frikë për ndonjë firmë që mund t’iu çojë në burg? Përgjigjet Meta
• Berisha: McGonigal ishte leva e Arkimedit për pushtetin e korruptuar të Ramës