Mocioni me debat me kryeministrin Edi Rama për çështjen McGonigal do të zhvillohet në datën 2 mars.

Mazhoranca votoi ndryshimin e rendit të ditës dhe vendosi që koha do të jetë pa limit.

Zv.kryetarja e Kuvendit Ermonela Felaj tha se po atë ditë do të zhvillohet dhe interperlanca me kryeministrin Edi Rama e kërkuar nga opozita.

Opozita kërkon që të vijë në seancë Edi Rama i cili sipas tyre duhet t’i përgjigjet 13 pyetjeve që ata kanë depozituar për çështjen ‘McGonigal’.

Në seancën e sotme plenare, mungojnë 12 deputetë demokratë që kanë shkaktuar kaos në seancat e shkuara. Ata janë Sali Berisha, Flamur Noka, Edi Paloka, Belind Këlliçi, Luçiano Boçi, Ina Zhupa, Albana Vokshi, Luan Baçi, Tritan Shehu, Ervin Salianji, Gazment Bardhi dhe Bledion Nallbati.

PD e ankimoi vendimin e djeshëm për përjashtimin e 4 të parëve në Byronë e Kuvendit dhe deputeti Oerd Bylykbashi ka thënë se tashmë deri në shqyrtimin e kësaj kërkese vendimi i përjashtimit është i pezulluar ndaj edhe atyre i lind e drejta për tu futur në seancë.

Në rendin e ditës të seancës së sotme është parashikuar të shqyrtohet kërkesa për shkarkimin e Lindita Nikollës si kryetare Kuvendi. Për këtë arsye seanca do të drejtohet nga Ermonela Felaj. Ndërkohë, jashtë Kuvendit, Sali Berisha ka paralajmëruar se do të vijojë revolucionin bashkë me mbështetësit e tij.

LEXONI GJITHASHTU: 

• Kryemadhi: Kur ia hiqni opozitës fjalën ngelet t’i thyejmë karriget kokës…
• “S’kisha pare, është rritur bileta”-Protestuesi tregon pse erdhi me kalë në protestë