“Me 1 gur do të vrasë 61 zogj”, gazetari Muça tregon synimet e Ramës në fushatë

Gazetari Flogert Muça tha në Euronews Albania se kryeministri Rama në këtë fushatë ka tentuar të vrasë me 1 gur 61 zogj.

Ai tha se Rama në këtë fushatë zgjodhi të dilte me fytyrën e tij, ndonëse bëhet fjalë për zgjedhje lokale, pasi në këtë formë ai u tregon votuesve se nëse votohen kandidatët e tij, atëherë qytetarët po votojnë që kandidati i tij në  bashkëpunim me të përmbushi premtimet e bëra.

Nga ana tjetër Muça tha se, Rama ka zgjedhur që të gjithë kandidatët e koalicionit “Bashkë fitojmë” ti asociojë me Berishën e shpallur ‘non grata’ në mënyrë që  tu përçojë qytetarëve se po votuan një nga kandiatët e koalicionit kanë votuar Berishën apo Metën të cilët përfaqësojnë sipas tij, kthimin pas.

“Rama ka përdorur fytyrën e tij në fushatë që t’u tregojë shqiptarëve e se këtu janë dy botë. Njëra botë, që është bota e mirë, pro atlantike e kështu me radhë, është bota e Ramës dhe filozofia e PS, nga ana tjetër është Sali Berisha dhe Ilir Metaj që sipas tij janë regres për vendin.

Çfarë ka tentuar të bëjë, ka tentuar që me 1 gur të vrasi 61 zogj, pra duke asociuar të gjithë demokratët me Sali Berishën dhe Ilir Metën si SaLikja, si term që ai ka vendosur, është që po votuat Carën apo Këlliçin keni votuar këta të dy, ndërsa po votuat kandiatët e mi, keni votuar kandidatin tim, i cili në bashkëpunim me mua do mbajë premtimet që u janë bërë. Këtë ka dashur të bëjë Edi Rama”,-tha Flogert Muça.

LEXONI GJITHASHTU:

• Masa sigurie për ndeshjen Tirana-Partizani, ja segmentet e bllokuara
• Rama: Ambicia jonë, ta bëjmë Shqipërinë vendin me pagat më të larta në rajon