Me armë zjarri dhe lëndë narkotike, arrestohet 18-vjeçari në Tiranë

Një 18-vjeçar në Tiranë ka rënë në prangat e Policisë, pasi posedonte lëndë narkotike dhe mbante armë zjarri në banesë.

Përmes një njoftimi Policia bëri të ditur se gjatë kontrollit fizik dhe të banesës së 18-vjeçarit, u gjetën dhe sekuestruan në cilësinë e provës materiale një dozë kokaine dhe një armë zjarri pistoletë.

Ndërkohë materialet i kaluan Prokurorisë për veprime të mëtejshme procedurale.

Njoftimi i Policisë:

Tiranë/Posedonte lëndë narkotike dhe mbante armë zjarri në banesë, vihet në pranga një 18-vjeçar.

Komisariati i Policisë Nr. 6, në zbatim të masave të planit operacional “Sundimi i ligjit”, bazuar dhe në informacionet e siguruara nga inteligjenca policore, për një shtetas që posedonte lëndë narkotike dhe mbante armë zjarri pa leje, në banesë, kanë organizuar punën për kapjen e tij.

Si rezultat u arrestua në flagrancë shtetasi S. L., 18 vjeç, banues në Tiranë.

Gjatë kontrollit fizik dhe të banesës, shërbimet e Policisë i gjetën dhe sekuestruan, në cilësinë e provës materiale, një dozë kokaine dhe një armë zjarri pistoletë.

Materialet i kaluan Prokurorisë për veprime të mëtejshme procedurale.

LEXONI GJITHASHTU:

• Gjermania po shqyrton ndalimin e dërgimit të armëve në Izrael
• Presidentja Osmani takim me George W. Bush: Avokat i Pavarësisë së Kosovës!