“Më është zhdukur djali”- Dy persona denoncohen të humbur brenda 24-orëve

Dy persona janë denoncuar të zhdukur nga familjarët në Tiranë dhe Kavajë gjatë 24orëve të fundit.

Në Komisariatin e Policisë Nr. 2 është paraqitur dhe ka bërë kallëzim shtetasi B. Sh. (M)., 82 vjeç, se është larguar nga banesa djali i tij, 41 vjeç dhe nuk është kthyer më.

Sipas deklarimeve të 82-vjeçarit, i biri vuan nga probleme të shëndetit mendor.

Policia ka nisur punën për lokalizimin dhe gjetjen e 41-vjeçarit.

Gjithashtu në Komisariatin e Policisë Kavajë është paraqitur dhe ka bërë kallëzim një grua e moshës 48-vjeçe, e cila ka denoncuar humbjen e kontakteve me bashkëshortin e saj, shtetasin F. M., 49 vjeç.

Sipas saj bashkëshorti, i cili vuan nga probleme të shëndetit mendor, ka dalë nga banesa dhe nuk është kthyer më.

Policia bën me dije se ka nisur puna për gjetjen e këtij shtetasi.

LEXONI GJITHASHTU: 

• Zbardhet ngjarja e shpërthimit me tritol në Sarandë, arrestohet autori i dyshuar
• Shpërthimi me tritol në Sarandë, flasin banorët: Thamë se ra pallati
• VIDEO/ Tymi mbulon qytetin, momenti live i shembjes me tritol të hotelit në Sarandë