Euronews Albania ka mundur të sigurojë videon e shpërthimit të hotelit “Bizanti” në qytetin e Sarandës.

Nga pamjet shihet se shpërthimi ka qenë shumë i fuqishëm duke bërë që e gjithë zona të mbulohet nga tymi.

Si pasojë e shpërthimit janë dëmtuar edhe banesa dhe biznese të cilat ndodhen disa metra pranë objektit.

Nga ndërtesa në pronësi të shtetasit Spiro Çabiri dhe shtetasit grek Dhimitër Evangjeliu kanë mbetur vetëm betoni dhe hekurat të shpërndara në gjithë sipërfaqen.

Prej vitit 2002 Çabiri dhe Evangjeliu janë në një proces gjyqësor për pronësinë e këtij objekti.

Policia po vijon punën për identifikimin dhe kapjen e autorit ose autorëve të kësaj ngjarjeje të rëndë.