Shpërthimi me tritol në Sarandë, flasin banorët: Thamë se ra pallati

13 Shkurt 2023 | 15:55

Një shpërthim i fuqishëm ka tronditur Sarandën në orët e para të mëngjesit. Një hotel është hedhur në erë me lëndë plasëse, duke shkaktuar dëme edhe tek bizneset përreth. Banorët treguan për Euronews Albania tmerrin që përjetuan si dhe dëmet e shkaktuara nga shpërthimi.

“Thamë se mos ra pallati, shpërthimi thashë se u fundos pallati. Isha zgjuar që në 5 të mëngjesit dhe rrija. Deri tani skam marrë frymë mezi vajta mora bukë që të pi ilaçet, jemi të sëmurë dhe nuk mbledhim dot veten. U çova menjëherë hapa ballkonin dhe dola”, tregon një grua.

“6 pa 5, shumë i fuqishëm shpërthim i padëgjuar ndonjëherë, u trembëm dolëm. Ne s’kemi asgjë, na kanë mbrojtur këta pallatet, këta që ishin afër janë të gjithë me dëme janë tyre xhamat deri në rrugën e katërt lart”, shprehet një tjetër banor.

Objekti ku ishte vendosur sasia e lëndës plasëse është ndërtuar në vitin 1996 dhe zotërohet nga 3 ortakë, Spiro Çabiri, Vangjel Shtuka dhe Dhimitër Evangjeliu. Prej 20 vitesh ortakët janë në proces gjyqësor për pronësinë e këtij objekti.

Shpërthimi ka shkaktuar dëme të mëdha në fasadat e dhjetëra bizneseve dhe qindra banesave përreth deri në një rreze prej 300 metrash largësi, ndërsa copat e xhamave dhe inertet e betonit që kanë përfunduar në rrugë. Hoteli ndodhej në vijën e parë të bregut të detit dhe fatmirësisht në momentin e shpërthimit ka qenë bosh pasi funksiononte vetëm gjatë muajve të verës.

Policia ka shoqëruar disa persona për t’i marrë në pyetje në lidhje me ngjarjen. Pritet që specialistët anti-eksploziv të përcaktojnë llojin e lëndës plasëse që është përdorur

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal

Ministri i Brendshëm, Besfort Lamallari, ka reaguar pas ngjarjes së rëndë të ndodhur në Maliq, ku një efektiv policie u vra dhe një tjetër mbeti...
09:53 | 04/06/2026

U plagos në Lozhan të Maliqit, efektivi i ‘Shqiponjave’ niset me helikopter drejt Traumës

Efektivi i ‘Shqiponjave’ Edison Adri që mbeti i plagosur nga operacioni në Lozhan të Maliqit, është nisur për mjekim të specializuar drejt Spitalit të Traumës...
09:44 | 04/06/2026

Vrasja e policit në Korçë, reagon Rama: Nderim përjetë Dëshmorit të Atdheut

Kryeministri Edi Rama ka reaguar menjëherë pas ngjarjes së rëndë të ndodhur në Maliq, teksa gjatë një operacioni policor efektivi i Shqiponjës Enea Mekolli humbi...
09:33 | 04/06/2026