Me flamujt kuqezi dhe simbolet e UÇK-së, makinat nga Kosova nisen për në Shqipëri

Makina nga Kosova me flamujt kuq e zi dhe me tri germat “UÇK” janë nisur drejt Shqipërisë.

Sot qytetarë nga gjitha trojet shqiptare do të bëhen bashkë në sheshin “Skënderbej”, në Tiranë ku nën moton “Drejtësi për çlirimtarët” do të protestohet në mbështetje të komandantëve të UÇK që po mbahen prej 5 vjetësh në Hagë.

Nga Kosova në drejtim të Hagës, qytetit holandez, të mërkurën janë nisur edhe rreth 150 motoristë shqiptarë nga vende të ndryshme të Kosovës me bluza të veshura me mbishkrime “Liria ka emër”. Nga Haga, marshi i tyre do të vijojë edhe drejt Brukselit.

Përkrahje për protestë kanë deklaruar politikanë të ndryshëm shqiptarë nga Kosova dhe Shqipëria, teksa nga Kosova pritet të nisen rreth 60 autobusë me qytetarë që do t’i bashkohen protestës në Tiranë.

Autoritetet në Shqipëri dje kanë deklaruar se ‘Rruga e Kombit’ do të jetë pa pagesë për qarkullim sot me 17 tetor për të gjithë qytetarët në shenjë solidarizimi me protestën.

LEXONI GJITHASHTU:

• Kurti takim me avokatët e ish-drejtuesve të UKÇ-së në Hagë
• Protesta në mbështetje të UÇK-së, Rruga e Kombit pa pagesë më 17-18 tetor