“Më ka marrë malli”, Rama tregon arsyen pse vizitoi Thaçin

Kryeministri Edi Rama deklaroi nuk ka asnjë fakt nga akuzat e Dick Marty për krerët e UÇK. Në konferencën e përbashkët me kryeministrin e Kosovës Albin Kurti, ai tha se akuzat janë të pabazuara dhe se ka influencë ruse.

“Së pari po marr pyetjen që ishte shumë serioze që ka të bëjë me Hagën. Ne jemi duke përgatitur një rezolutë në Kuvendin e Shqipërisë. Unë do të shkoj personalisht në Strasburg, në rastin më të parë, shpresoj në shtator, për t’ju drejtuar Këshillit të Europës, për një fakt që bëhet shqetësues në këndvështrimin tonë, është pabazueshëmria e raportit të Dick Martin dhe influenca ruse mbi këtë përrallë të një shtëpie të verdhë të trafikut të organeve. Është një akuzë e përsëritur edhe në kontekste të tjera”, u shpreh Rama.

Kreu i qeverisë shqiptare, deklaroi se kur takoi Thaçin në Hagë, si arsye dha se e kishte marrë malli.

“Marrëdhënia ime me presidentin Thaçi dihet, është botërisht e njohur, Kur kam plotësuar formularin, dhe kishte një arsye për çfarë do e takosh, kam shkruar me germa kapitale: Më ka marrë malli. Ka qenë nder dhe kënaqësi e jashtëzakonshme që dje të takohesha me familjen e tij”, tha ai.

LEXONI GJITHASHTU:

• LVV në zgjedhjet lokale? Kurti: Do bëj fushatë për Kosovën dhe Shqipërinë
• Rama: Qeverinë Kurti mund ta rrëzojë vetëm një protestë e Albinit