Me pistoletë lodër, tentohet të grabitet një pikë këmbimi valutor në Durrës

Një tentativë grabitje ka ndodhur në një pikë këmbimi valutor në qytetin e Durrësit. Këto janë fotot, kur autori me një armë lodër është futur në pikën e këmbimit valutor për të grabitur.

Ai është i veshur me një xhup të zi dhe një kapuç në kokë. Sapo futet në ambientet e pikës së këmbimit valutor, grabitësi nxjerr armën lodër.

Grabitësi nuk ka arritur që të marrë shuma parash nga pika e këmbimit valutor në rrugën ‘Taulantia’ ose ish-Vollga në qytetin e Durrësit. Sapo punonjësit e kanë parë të armatosur nuk kanë hapur xhamin e sportelit dhe ai është larguar me shpejtësi nga vendngjarja.

Ngjarja ka ndodhur mëngjesin e kësaj të premte rreth orës 9:00.

LEXONI GJITHASHTU:

• Grabiti me armë argjendarinë dhe një dyqan celularësh, arrestohet 43-vjeçari (Emri)
• PL denoncon në prokurori grabitjen e selisë: Morën rrjetin e komunikimeve