Me pranga në duar e i mbuluar me qese plehrash, gjendet një trup i pajetë në Janinë

Një ngjarje e rëndë raportohet të ketë ndodhur në Janinë, Greqi, ku u gjet trupi i pajetë i një burri.

Sipas mediave të huaja, duket se autorët nuk e kanë kryer vrasjen në vend, por e kanë zhvendosur trupin e viktimës në vendin ku u gjet mëngjesin e sotëm.

Lidhur me kushtet në të cilat u gjet, ai kishte një palë pranga të lidhura në dorën e majtë dhe një armë të lidhur në dorën tjetër.

Nuk dihet nëse kjo armë është përdorur për të vrarë këtë person.

Burri u gjet i mbështjellë me thasë plehrash rreth kokës dhe këmbëve, ndërsa pjesa tjetër e trupit ishte e ekspozuar.

Trupi i tij duket se ka lëndime, por deri më tani nuk janë bërë të ditura detaje të tjera. Në vendngjarje pritet eksperti mjekësor në mënyrë që të fillojë procesi i identifikimit.

Vlen të theksohet se asnjë zhdukje nuk ishte raportuar në zonë dhe autoritetet po ekzaminojnë kamerat në rrugën për në zonën e Frontzu.

LEXONI GJITHASHTU:

• Gjendet një trup i pajetë në lumin Lana te zona e Brrylit në Tiranë
• Gjendet një trup i pajetë në Burrel, detajet e para