“Më qëlloi me thikë në sup”- Dëshmon adoleshenti që vrau 15-vjeçarin

Detaje të reja janë zbardhur nga ngjarja e rëndë që ndodhi në Shkodër, ku një 15-vjeçar u bra me thikë nga një bashkëmoshatar i tij.

Pas arrestimit nga Policia e Shkodrës, autori i dyshuar i vrasjes, i mituri me inicialet A.Gj., ka dëshmuar se ngjarja ndodhi pas një konflikti të çastit.

“U zumë, më qëlloi në sup me thikë. Unë e qëllova me thikën e tij,” ka deklaruar i mituri, i dyshuar si autori i ngjarjes.

15-vjeçari humbi jetën në spital si pasojë e plagëve të marra.

Shërbimet e Policisë, gjatë këqyrjes së vendit të ngjarjes, gjetën dhe sekuestruan thikën që dyshohet të jetë përdorur gjatë konfliktit, ku mbeti i plagosur viktima.

Nga hetimet paraprake rezulton se edhe autori i dyshuar ka pësuar plagë të lehta në sup nga thika, por pa rrezik për jetën.

Grupi hetimor, nën drejtimin e Prokurorisë dhe në prani të psikologut dhe familjarëve, po vijon hetimet intensive për të zbardhur dinamikën e ngjarjes dhe për dokumentimin ligjor të saj.