Me shpejtësi skëterre, publikohet videoja e BMW që “fluturon” tek diga e Liqenit

Kryetari i bashkisë Tiranë Erion Veliaj ka publikuar videon e aksidentit të ndodhur mëngjesin e së hënës në zonë e Liqenit Artificial.

“Tani çdo gjë është kthyer në normalitet, por shpejtësia skëterrë e shoferit (jo e makinës – se makina s’ka vendimmarrje në çmenduri) që përfundoi mbi digën e Liqenit, rrezikon qytetarët por dhe vetë të lojturin që veç bordura e shpëtoi nga mbytja në Liqen! Bashkë me Policinë e Shtetit kemi mbledhur provat e do kerkojmë dënim maksimal për shoferin tashmë në kërkim – zero tolerancë për kërcënuesit e jetës e bashkëjetesës në qytet”, shkruan Veliaj në Facebook.

Ngjarja ndodhi rreth orës 05:00 të mëngjesit, ku mjeti i tipit BMW X6 që po udhëtonte me shpejtësi në “Rrugën e Kosovarëve” është ngjitur në digën e liqenit artificial duke u përplasur me murin.

Policia ka identifikuar drejtuesin e mjetit, i cili është larguar menjëherë nga vendngjarja. Ai është një 26-vjeçar nga Durrësi i cili është shpallur në kërkim.

LEXONI GJITHASHTU:

• Dinamika e aksidentit te Liqeni, mjeti ngjiti skarpatin e digës dhe u përplas
• Identifikohet shoferi i “BMW” që përfundoi në pedonalen e Liqenit