Me thikë në valixhe, arrestohet në aeroport 43-vjeçari që po dilte nga Shqipëria

Një 43-vjeçar shqiptar është arrestuar në aeroportin e Kukësit, pasi gjatë kontrollit në aeroportin e Kukësit, në dalje të republikës së Shqipërisë, iu gjet një mjet prerës tip thikë.

Arma e ftohtë u gjet në valixhen e 43-vjeçarit teksa po kalonte kontrollet aeroportuale.

Policia sekuestroi në cilësinë e provës materiale thikën, ndërkohë që materialet në ngarkim të 43-vjeçarit i kaluan prokurorisë për veprime të mëtejshme.

“Shërbimet e Policisë Kufitare të aeroportit “Flatrat e Veriut”, Kukës, si rezultat i kontrolleve të bazuara në analizën e riskut, me qëllim parandalimin dhe goditjen e paligjshmërive kufitare, në bashkëpunim me agjentët e sigurisë së aeroportit, në dalje të RSH-së, gjatë kontrollit në vijën e dytë, kanë gjetur në çantën e shtetasit L. K., një mjet prerës (thikë). Në përfundim të veprimeve procedurale për këtë rast, u arrestua në flagrancë shtetasi L. K., 43 vjeç, banues në fshatin Fushë Prezë, Vorë, për veprën penale “Prodhimi, mbajtja, blerja apo shitja pa leje e armëve të ftohta”, si dhe u sekuestrua në cilësinë e provës materiale mjeti prerës”, thuhet në njoftimin e policisë.

LEXO GJITHASHTU:

• Pse u vra e reja afrikane? Flet italiani që e strehoi: Polici e qëlloi në kufi
• 23-vjeçarja afrikane vritet nga policia në Maqedoninë e Veriut
• Ekzekutimi i Fatmatës, avokati: Maqedonia ka polici të egër, ne s’vrasim emigrantë