Ekzekutimi i Fatmatës, avokati: Maqedonia ka polici të egër, ne s’vrasim emigrantë

Temë e emisionit “Goodmorning Albanians” në Euronews ishte këtë të mërkurë, vrasja e një 23-vjeçarje afrikane, nga policia e Maqedonisë së Veriut.

Fatmata, 23 vjeç, u qëllua nga efektivët pasi kishte kaluar kufirin nga Greqia, vendi që i kishte refuzuar azilin.

I ftuar në studio avokati Idajet Beqiri dënoi aktin e rëndë dhe theksoi se policitë në shetet si Mali i Zi, Serbia dhe Maqedonia e Veriut janë shumë të ashpra në lidhje me emigrantët e paligjshme.

Ai shtoi se Shqipëria bën diferencën në këtë pikë, ku efektivët tanë nuk qëllojnë kurrë me armë në drejtim të emigrantëve.

“Ka disa vende si Maqedonia, Serbia, Mali i Zi që janë shumë të egër në raport me emigrantët që shkojnë. I përdorin armët vende e pa vend, por nuk ka gjë më të tmerrshme se të përdorësh armët ndaj emigrantëve. Edhe këtu te ne vijnë aq shumë sa s’ka ku të vejë më. Por i kapin, i dënojnë, ata që janë të përfshirë në veprimtari kriminale dënohen, se ligjin të ashpër e kemi dhe ne, e kemi nga 5 deri në 15 ata që ndërmjetësojnë kalimin e paligjshëm të kufirit. S’ka ndodhur ndonjëherë që të vrasim. Nuk vret policia jonë emigrant kurrë. Institucionet në Maqedoni kanë një egërsi dhe e përdorin armën vend e pa vend”, tha avokati.

LEXO GJITHASHTU:

• Pse u vra e reja afrikane? Flet italiani që e strehoi: Polici e qëlloi në kufi
• 23-vjeçarja afrikane vritet nga policia në Maqedoninë e Veriut