Meçe: Berisha po bojkotohet! I nisi protestat me 16 mijë, përfundoi me 6 mijë njerëz

Analisti Arben Meçe komentoi në studion e Euronews Albania, aksionin e protestave të iniciuara nga opozita.

Meçe tha se në optikën e tij Berisha nuk gëzon shumicën në PD, madje ai po bojkotohet dhe nga militantët e vetë.

Analisti tha se protestat e Berishës po tkurren, duke nisur me 16 mijë persona në shesh në korrik dhe duke përfunduar në 6 mijë persona më 11 shkurt.

“Së pari pritshmëria ime se protesta e 11 shkurtit nuk do të kishte mbështetje popullore u vërtetua. Tani dua të vërtetoj diçka tjetër që edhe brenda Partisë Demokratike Sali Berisha nuk ka mbështetje. Çka do të thotë, nëse historiku i 4 mitingjeve që ka bërë Sali Berisha në këtë periudhën 1-vjeçare të foltores nisi me 16 mijë veta, kaloinë 12 mijë veta, pastaj 3 mijë veta në 6 dhjetor dhe përfundimisht përfundoi me 6 mijë veta.

Gjithë ajo demogagji e shprehur këtë periudhë nuk është gjë tjetër veçse një flluskë mediatike. E vërteta është se Sali Berisha ka krijuar një imazh të një realiteti që nuk ekziston, e vërteta është tek numri i njerëzve që dalin në shesh. Berisha po bojkotohet dhe nga militantët e vet”, tha Meçe.

LEXONI GJITHASHTU: 

• “Sot vazhdon revolucioni demokratik” Berisha thirrje për protestë para Parlamentit
• Përlasje mes adoleshentëve në Laç, 17-vjeçari qëllon me armë zjarri 15-vjeçarin