“Sot vazhdon revolucioni demokratik”, Berisha thirrje për protestë para Parlamentit

Kreu i Partisë Demokratike Sali Berisha pak ora para protestës ka dalë në një deklaratë për mediat, ku u ka bërë thirrje qytetarëve që të marrin pjesë sot në orën 1700 para Kuvendit.

Ndër të tjera ai theksoi se kjo protestë, që shënon vazhdimin e revolucionit demokratik, ka për qëllim madhor, ngritjen e zërit, revoltën kundër dhunimit, kundër shkelmimit të interesave të 750 mijë zgjedhësve shqiptarë, të cilët me datën 25 prill, votuan për partitë opozitare.

“Të bashkohemi sot në ora 5, në një protestë të fuqishme para parlamentit shqiptar.
Kjo protestë, që shënon vazhdimin e revolucionit demokratik, ka për qëllim madhor, ngritjen e zërit, revoltën kundër dhunimit, kundër shkelmimit të interesave të 750 mijë zgjedhësve shqiptarë, të cilët me datën 25 prill, votuan për partitë opozitare.

Përfaqësuesit e 750 mijë qytetarëve, trajtohen në parlamentin shqiptar me praktika absolutisht staliniste, kriminale, të turpshme.

Përfaqësuesit e 750 mijë qytetarëve shqiptarë, që kanë detyrë themelore mbrojtjen e interesave të tyre, kanë detyrë themelore, kontrollin e qeverisë dhe transparencën nga abuzimet, përjashtohen, bllokohen, iu mohohet e drejta e fjalës dhe nuk lejohen të krijojnë komisionet hetimore parlamentare si një institucion themelor i parlamentit për të bërë transparencë”- tha Berisha.

LEXONI GJITHASHTU: 

• “Sot vazhdon revolucioni demokratik” Berisha thirrje për protestë para Parlamentit
• Përlasje mes adoleshentëve në Laç, 17-vjeçari qëllon me armë zjarri 15-vjeçarin