Mediat greke: Pse Mitsotakis kandidoi Belerin për eurodeputet?

Një ditë pas publikimit të lajmit për kandidimin e Fredi Belerit nga partia “Demokracia e Re” për zgjedhjet europiane të 9 qershorit, mediat greke kanë zbardhur arsyet e këtij vendimi të marrë nga kryeministri Mitsotakis.

Sipas Kathimerini, 3 ishin arsyet që luajtën rol kyç në kandidimin e Belerit. Së pari, duke qenë se çështja e kandidimit të Fredi Belerit ishte bërë publike më herët, Mitsotakis konsideroi se mospërfshirja e tij do të dërgonte mesazhin e gabuar pasi mund të interpretohej si një tërheqje ndaj Shqipërisë. Së dyti, preferenca ndaj Fredi Belerit ishte rritur dhe së fundmi presioni politik i marrë nga partia “Demokracia e re” nuk mund të përjashtohej.

Fredi Beleri është një ndër 42 kandidatët. Pavarësisht zgjedhjes, kandidatura e tij është kundërshtuar nga  ministri i Jashtëm i Greqisë, dhe këshilltarja për politikën e Jashtme pranë kryeministrit grek Aleksandra Papadhopoulou, sipas të cilëve vendosja e tij në listën e kandidatëve për eurodeputetë, do ta kthente këtë çështje nga europiane në dypalëshe me Shqipërinë.

LEXONI GJITHASHTU:

• Kandidat i Mitsotakis për Parlamentin Evropian, reagon Fredi Beleri
• Zyrtare| Fredi Beleri kandidat i Greqisë për Parlamentin Evropian