Medikamente dhe mallra të tjera kontrabandë, arrestohet 32-vjeçari në Vlorë

Një 32-vjeçar është arrestuar nga policia në Vlorë për kontrabandë medikamentesh dhe mallrash të tjera.

Policia tha se Shërbimet e PKK Port Vlorë, në bashkëpunim me specialistët e Seksionit për Hetimin e Krimeve Ekonomike dhe Financiare të DVP Vlorë dhe autoritetet doganore në këtë port, në vijim të kontrolleve për goditjen e paligjshmërisë, bazuar në analizën e riskut dhe në kontrollet me përzgjedhje, në hyrje të RSH-së, kanë kaluar në vijën e dytë, për kontroll më të imtësishëm, furgonin me drejtues shtetasin E. Ç.

Gjatë kontrollit të ushtruar në këtë furgon, shërbimet e Policisë gjetën dhe sekuestruan kuti me medikamente mjekësore, kuti me lëndë të ndaluar pesticide dhe kuti me shishe vere, pa faturë blerjeje.

Në përfundim të veprimeve, specialistët e Seksionit për Hetimin e Krimeve Ekonomike e Financiare të DVP Vlorë arrestuan në flagrancë shtetasin E. Ç., 32 vjeç, banues në Lushnjë, për veprat penale  “Kontrabanda me mallra për të cilat paguhet akcizë”, “Kontrabanda me mallra të ndaluara” dhe “Kontrabanda me mallrat e licencuara.”

LEXONI GJITHASHTU:

• Grushte dhe lëndë të dëmshme në fytyrë ndaj një vajze, arrestohet 23-vjeçari  
• Ishte kthyer në ‘tmerrin’ e banesave, arrestohet 32-vjeçari në Lezhë