Mediu heq dorë nga gjykimi i shkurtuar, gjykata tërhiqet për vendim

Këtë të martë është mbajtur seanca e radhës për çështjen Gërdeci ku SPAK ka marrë të pandehur ish-ministrin e Mbrojtjes, Fatmir Mediun.

Ky i fundit, përmes avokatëve ka hequr dorë nga gjykimi i shkurtuar. Pas rreth 2 orësh në seancë, gjykata është tërhequr për të marrë një vendim. Në momentin që Mediu ka hequr dorë nga gjykimi  shkurtuar, automatikisht i është hapur rruga zgjatjes së procesit.

Avokatët kanë bërë me dije se në gjykimin e zakonshëm do të kërkojnë ekspertizë të re për shkaqet e shpërthimit, ndërsa do të pyesin dhe dëshmitarë që nuk janë  pyetur më herët.

Ndërkohë, ata që kanë humbur të afërmit në tragjedinë e Gërdecit, kërkuan në sallë që akuza të cilësohet jo thjesht shpërdorim detyre, por shpërdorim detyre me pasojë vdekjen ose vrasje.

Në gjykatë është parë familja Durda që ka udhëhequr këtë proces i cili u rihap pikërisht pas kallëzimit të anëtarëve të kësaj familje që humbën fëmijën e tyre 7 vjeç në shpërthimin e Gërdecit.

Pas thirrjes publike të gjykatës këtë herë u paraqitën dhe qytetarë të tjerë që janë familjarë të viktimave apo të plagosurve.

LEXONI GJITHASHTU:

• FOTO| Mbahet seanca për Mediun, të pranishëm në gjykatë dhe familjarët e viktimave
• Çështja “Gërdeci”, shtyhet gjyqi ndaj ish-ministrit të Mbrojtjes Fatmir Mediu