Mediu: Jemi në konflikt të hapur me Iranin, duhet analizuar siguria kombëtare

Ish-ministri i Mbrojtjes Fatmir Mediu paralajmëroi se Irani nuk do të ndalet në veprimtarinë terroriste ndaj Shqipërisë dhe muxhahedinëve të strehuar në vendin tonë.

Në emisioni Now në Euronews Albania, Mediu tha se pas vendimit për ndërprerjen e marrëdhënieve diplomatike, vendi ynë është në konflikt të hapur me Iranin dhe siguria kombëtare është e rrezikuar.

“Kjo na konsideron si shtete në konflikt të hapur me Iranin, se kemi strehuar rezistencën iraniane. Por veprimet e Iranit janë të koordinuara Kinën dhe Rusinë”, tha Mediu.

Ai tha se në Shqipëri ka një rrjet të madh njerëzish të sponsorizuar nga qeveria iraniane që bëjnë propagandë për qeverinë islamike dhe kundër opozitës së MEK të strehuar në Shqipëri.

LEXONI GJITHASHTU:

• Dëbimi i diplomatëve nga Shqipëria, reagon Irani
• Britania e Madhe dënon sulmin kibernetik të Iranit ndaj Shqipërisë