Mediu: PD para se të përqafojë partitë opozitare të rregulloj problemet e brendshme

Kreu i Partisë Republikane Fatmir Mediu tha se PD para se të bëjë koalicione me parti të tjera duhet të zgjidhë problemet që ka mes vetes.

Në një intervistë për emisionin “Review” në Euronews Albania, ai theksoi se ditën e sotme në protestë morën pjesë edhe deputetë që janë mbështetës të Enkelejd Alibeajt, e sipas tij ky është një mesazh që ara të bashkohen.
Më tej ai tha se janë hedhur hapat e para që dy palët të ndërtojnë marrëdhënie të përbashkëta brenda PD-së

“PD para se të përqafoj Mediun apo këdo tjetër duhet të rregulloj problemet e saj të brendshme. Unë gjatë kësaj periudhe jam munduar të nxis bashkëpunim mes dy palëve në PD. Mendoj se ka rrugë dhe risi. Risi ishte që edhe disa deputet që kanë qenë pozicionuar krah Alibeajt ishin në protestë e kjo tregon që janë mobilizuar.

Është hapi i parë për të ndërtuar  një marrëdhënie të përbashkët brenda PD dhe më besoni se është më i vlefshëm se çdo marrëdhënie tjetër politike dhe çdo lloj koalicioni”- theksoi ai.

LEXONI GJITHASHTU: 

• Mërtiri: Aq njerëz PD-ja i mblidhte me një fishkëllim, Berishës iu desh 1 muaj
• Mediu: Pjesëmarrja në protestë ishte e lartë, çfarë është e rëndësishme