Analisti Ergys Mërtiri komentoi në emisionin Review në Euronews Albania protestën e opozitës të mbajtur këtë të shtunë.
Mërtiri tha se pjesëmarrja në tubim ishte tepër e dobët dhe tregon gjendjen ku ndodhet opozita. Ai nënvizoi se në një situatë normale, e pa përçarë, PD i mblidhte brenda ditës aq njerëz, ndërkohë që Berishës iu desh 1 muaj të përgatisë një protestë të tillë.
“PD aq njerëz i mbledh sot për nesër, nuk ka nevojë të përgatitet një muaj. Në një ditë normale, jo e përçarë. PD i mbledh me një fishkëllimë aq njerëz. Ka mbi 5 mijë e ca seksione Partia Demokratike, sikur kryetari, nënkrytari dhe sekretari të shkojnë bëhen 15 mijë persona aq sa ishin sot në shesh, por problemi është se a të ndjekin njerëzit e pa angazhuar politikisht.
Berisha, kryetari që mendon se ka opozitën, thotë që populli po zien dhe i duhet gati 1 muaj që të bëjë këtë protestë. Në kohën kur qeveria është më keq se kurrë, opozita është akoma dhe më keq dhe ndaj ky është fati i Ramës, zoti Berisha po e mban Ramën në pushtet”, tha Mërtiri.
LEXONI GJITHASHTU:
- Deputeti i PD: Qytetarët nuk donin një protestë të tillë, por i frenuam ne
- “Ja cili është qëllimi i Berishës”, Mediu: Mënyrat për të ndryshuar qeverinë
- “Edhe Gadafi bënte poçe”- Balliu paralajmëron Ramën për protestën e të hënës
