Shefi i Organizimit në Partinë Demokratike, Klevis Balliu, komentoi nga studio e emisionit Review në Euronews Albania, protestën e opozitës këtë të shtunë. Balliu në fjalën e tij tha se misioni i opozitës është të largojë kryeministrin Rama dhe personat e korruptuar dhe të kriminalizuar të qeverisë së tij.

Ai shtoi se nëse në protestën e të hënës gjatë seancës plenare, nuk do të lejohen në Kuvend deputetët e përjashtuar, atëherë do të detyrohet populli t’i futë ata në sallë.

Pjesë nga biseda:

Klevis Balliu:  Ai ka të drejtën të bëjë boçe me baltë, por nesër mos të habitet nga ajo që e gjen. Boçe me baltë kishte dhe Gadafi dhe mori atë përgjigje që mori. Populli do ta marrë dhe do t’i nxjerrë nga parlamenti atë bashkë me shpurën e tij të kriminelëve. Kjo nuk do të ndodhë të hënën, por ky është misioni ynë. Çdo formë dhe çdo mënyrë për ta bërë këtë është në interesin kombëtar.

Jonida Shehu: A do të futeni në kuvend të hënën?

Klevis Balliu: Do të futen deputetët. Nëse ti pengon deputetët të futen të flasin për hallet e qytetarëve në parlement, atëherë do t’i fusë populli deputetët.

Jonida Shehu: Edhe deputetët që janë përjashtuar?

Klevis Balliu: Po patjetër që do të futen kush i përjashton ato bashkëshortja në tentativë?!

LEXONI GJITHASHTU: 

• Deputeti i PD: Qytetarët nuk donin një protestë të tillë, por i frenuam ne
• “Ja cili është qëllimi i Berishës”, Mediu: Mënyrat për të ndryshuar qeverinë
• “Edhe Gadafi bënte poçe”- Balliu paralajmëron Ramën për protestën e të hënës